-होमनाथ कुँवर 

हस्तिचौर १, जुकेपानी, दुबइ

गाउँ देखि बुटवल पठाए क्याम्पस् पढ्न बाले हजुर

पहिलो बर्ष राम्रै पढेँ राम्रै पाइला चालेँ हजुर

दोस्रो बर्ष त्यसै बित्यो गर्ल फ्रेन्ड बनाउँदैमा

तेस्रो बर्ष अलि अलि व्हिस्की तान्न थालेँ हजुर

सबले मलाइ पाखे भन्ने नाम त मेरो होमनाथ  हेर्नुस्

सहरको फेशन थाहै छ लामो कपाल पालेँ हजुर

दौरा सुरुवाल लगाइ हिड्दा सबै गाउँले भन्न थाले

त्यसैले त जिन्स काटि घुँडा मुनि टालें हजुर

क्याम्पस् पढ्ने पैसा खतम गोरु सिङ्गे बाइक किन्दा

त्यै बाइकमा गर्ल फ्रेन्ड उकालें ओरालेँ हजुर

मनकामना पुगेँ कहिले बुटवल बोर लागी

गर्ल फ्रेन्ड घुमाउदैमा पढ्ने टाइम फालेँ हजुर WWW.GULMI NEWS.COM